The Truth
Jahan dekhta hun, hir kisi ke dil ki khasta deewaron per marhoom tamannaon, aur maqtool hasraton ki khoon-zda tasweerein aawezaan hain, Kisi ka dil bacha nahi, yahan koi nahi jo luta nahi, hum sab mustakbil ki andheri gali ke samnay ankhon mein khawab liye kharay hain, aur umeed kirtay hain ke ab roshni aye gi aur umeed ber laye gi, lekin aik aik kir ke hamari saari hasratein qatal hoti jati hain aur akhir kar us andheray say maut apna mun kholay bahir aati hai aur humein apnay sath us andheray mein le jati hai, aur hum bhi beetay logon ki tarhan gumnaam ho jatay hain … . .
